நாசா விண்வெளி ஆய்வு மையத்தின் கெப்ளர் டெலஸ்கோப்பில் ஆய்வாளர்கள் ஆய்வு செய்த போது ஒரு புதிய கிரகத்தை கண்டுபிடித்துள்ளனர். இந்த புதிய கிரகத்திற்கு கெப்ளர்-16பி (KEPLER-16B) என்று பெயரிடப்பட்டுள்ளது. இது நமது பூமியிலிருந்து 200 ஒளியாண்டுகள் தொலைவில் அமைந்துள்ளது.

இந்த கிரகம் 2 சூரிய அஸ்தமனங்களைப் பெறக்கூடியதாக உள்ளது. கெப்ளர்-16பி கிரகத்தின் 2 சூரியன்களும் நமது பூமியில் உள்ள சூரியனை விட அளவில் சிறியதாக இருக்கின்றன. இந்த கிரகத்தில் உயிரினங்கள் வாழ்வதற்கு சாத்தியமில்லை என ஆய்வாளர்கள் கருதுகின்றனர். இந்த கிரகம் தனது இரண்டு சூரியன்களையும் 229 நாட்களுக்கு ஒரு முறை சுற்றி வருகிறது.